Wat is wesen, kannst du hier lesen!  

 _______________________________________________________________

 

De Rockers sind nu tatsächlich in Rente !!!

 

-- un seggen an alle Fans:                                      Tschüß!!! 

 

 ________________________________________________________________

 

"Weltünnergang - man nich mit uns!"  

- Stahoi um Schnarup-Thumby! -


 Tscha, nu is`t doch passeert, de Weltünnergang is ünnergaan!

Dat letzte Maal wurr dat Stück nu in Eckernför speelt!

De Tokiekers, de Speelers un de Baas sind tofreeden un

seggn: Moin, moin bit to de nächsde "Ünnergang"!

 

 

 ________________________________________________________________

 

 

24. Theatertreffen des Niederdeutschen Bühnenbundes in Molfsee

an de 12. 6. 2015  in de Winkelschün.  

Peter Heinrich Brix ward "1. UNESCO-Botschafter" för dat Nedderdütsche Theaderspill. 

 

 Achteran wurrn Lüüd ehrt, wat mehr ass 40 Jaar opp de Bühn hemm staan: 3 Speelers vun de Nordangler Speeldeel weern daarbi

Gisela Schmidt, Peter-Dietrich Henningsen un Wolfgang Börnsen  

 


"Lüüd, Luther un de Düvel"

Een Stück in tein Biller  um un över Martin Luther. Schreven un inövt vun Wolfgang Börnsen, Bönstrup.

To rechte Tid to dat Lutherjaar 2017 ward övt un wardt uk op denn Kirchendag in Berlin opföhrt!                 Kiek in: Termine!


Över 40 Lüüd speelen de Tied um de Reformation naa. Lüüd kamen to Words, de mit un gegen Luther weern. 
                    

     Dat erste Stück to Luther op Platt/Nedderdütsch!

Proov


 

 Premiere is an de 22. Okt. 2016 in St. Marien to 

                                                   Grundhof wesen!

 

So kann dat Bühnenbild utsehn (Entwurf: Uwe Appold)

De Daaten vun de Opföhrungen sind : -- kiek rinn bi Termine !

 Proov mit Speelbaas  Premiere überwältigend !

In fast ausverkaufter Spielstätte, der St. Marienkirche zu Grundhof, feierte die Speeldeel eine überwältigende Premiere.

Der Landesbischof Gerhard Ulrich weilte unter den Besuchern und sprach dem Autoren und Regisseur des Stücks, Wolfgang Börnsen, Bönstrup, nach "standing ovations" des begeisterten Publikums höchste Anerkennung aus: "Inhalt und Inszinierung entsprächen nicht dem gängigen Klischee, "Luther als Helden" darzustellen, sondern hier ginge es hauptsächlich um die Menschen, ihre Sorgen und Bedrängnisse wie auch Luthers. Die Reformation begann nicht mit Luther; sie war schon Jahrzehnte früher bei den Menschen spürbar: Kirche müsse sich verändern! Und so war auch nur richtig, das Schauspiel mit Johann Hus zu beginnen."

Großes Lob erhielten auch die Darsteller/innen, Musikanten, Technik und das Bühnenbild. Dieses war von dem bekannten Künstler, Uwe Appold, Unewatt, geschaffen worden und unterstrich die darstellerischen Leistungen grandios.

Bei der anschließenden Premierenfeier wurden alle Beteiligten mit Applaus empfangen und mit Lob überschüttet.

Der Bühnenleiter, Jürgen Bachmann, bedankte sich bei allen, insbesondere jedoch bei den Personen, die die Aufführung überhaupt ermöglichten, den Helfern im Hintergrund wie auch den vielen Sponsoren.

Alle sprachen die Hoffnung aus, dass möglichst viele Menschen diese Inszenierung sehen sollten. 

Spontan ludt der Landesbischof die Speeldeel nach Schwerin ein, eine Einladung vom Kulturring Malchow - Partnerstadt des Amtes Langballig - war schon ausgesprochen worden.

Die Speeldeel möchte jedoch vorrangig zum Kirchentag Berlin/Wittenberg im Mai des Lutherjahres 2017.

Verdient hätten die Nordangler alle Spielstätten !

 

 Flensburger Tageblatt vom 24. Okt. 2016:

Eck/Elmar Nagels, Teufel/Ulrike Caesar, Cajetan/Jürgen Bachmann, Luther/Peter Hinrichsen


 Ne, wat för Lüüd ..

Rund 1000 Lüüd wulln "Luther" sehen. Jede Opföhrung in de Kirch to Grundhof weer bannig gut besöcht. In de Düsternis wurn de Tokiekers vun Fackelschien willkomen heten oder adschüß seggt.

Voll vun Lööv weern de Lüüd an`t Enn vun`t Spill.Orig tofreden mit Stück un Opföhrung wulln de Lüüd meis nich gaan. 
Un dat naa 3 Stunn sitten op de harde Kirchenbank!

Nu sind se rum de 5 Opföhrungen. As Dank för sien Arbeit kreeg Wolfgang Börnsen schenkt vun een Marketenderin (Doris Bachmann) een Book un een grode Plakot vun "Lüüd, Luther un de Düvel" mit Biller un kleene Gedankensplitter vun alle Mitspeelers .

Nu hemm wi Bescheed, dat wi köön to de Kirchendag. 

Eenerlei as dat kümmt, speelt ward sachd hier oder daar noch maal. 

Ih könnt ju daarop freuen!

 


De Speeldeel an de 31.10. 2016 in Grundtoft-Kirch


Berlin - Kirchendag vun de 25. bit to de 27. Mai 2017!

So, Berlin hebbt wi achter uns! Een beten twiefelmödig fohrten wi los. Dat Theoder "Atze-Musik-Theoder" in Wedding legg een beten wiet ut de Kehr un segg ok een beten verroppt ut. Naa de ene un de andere "Kompetenzdiskussion" twischen uns un de Daarigen hemm wi mit örnliche Besöök twee feine Opföhrungen hennkregen. De Lüüd, wat uns tokeken hemm, weern vuller Lööv: "Lüüd, Luther un de Düvel - Een Perle op denn Kirchendag"!

Wat will man mehr.

Nu, vun de Kirchendag un Berlin hemm wi uk noch een ganze Barg mitkreken, so dat wi alle ganz tofreden weern mit unse "Utflugg naa Berlin/Kirchendagg"!

Uk vun`t Pokalendspill kreggn wi wat mit: de halve Stadt geel-schwatt - BVB Fans. Daar weer vun de orange Bänner vun de Besökers vun de Kirchendag nix mehr to sehen!

Vun Nissen/Nordballig harrn wi een komodige Bus, mit Helmut Thoma een ganz nedde Fohrer un een feine Anhänger vun Gernot Müller/Steinbargkirch!

Bi alle seggen wi vun Harden Dank för dat feine Beleevnis "Kirchendag Berlin"!

Noch watt leer: De Bühn un de BänkeMehr as wi dacht harrn: Tokiekers ... keem denn noch mehr! Wauh!


Möh, aver tofreden gung dat affsteh naa Hus


Berlin weer doch een Reis wehrt!


Nu weern wi uk schon in Rostock. 

Fridag,de 6. Okt. susten wi los mit de Bus vun Nissen, Nordballig. Helmut Thoma, unse Fohrer, geev sien Bestes, over brukten doch fast 7 Stunden to unse Hotel in Rostock. Nu kregen wi in de nächsde Kneipe noch en lüdde Beer un denn gung dat in de Heia. Na dat Fröhstück wiese uns Fru Drusche de ole Del vun Rostock. Schiet weer dat Wedder. Daar harn de Technikers dat beter, de weer schon Klock 9 in de Kirch togang, int Drögge. Harn over masse Arbeit.

Klock 4, de "Heiligen-Geist-Kirch" weer gut besöcht, gung de "Vörhang" op. Achteran keem örnlich Applaus, de Preester - nu Propst - weer bannig överrascht, wat he daar för en feine Bühne un Stück har inköfft.

Na dat wi harn affbut, geev dat noch Kartüffelsupp un Wusst, Beer, Wien un Water un feine Praat noch mit de Tokiekers. Uk ut Malchow weern en paar Lüüd anreist.

Heiligen-Geist-KircheLina ward schick maakt!Achteran gifft dat to eten! 

 Reformation/Luther in Grundhoff ton Tweeten!

Mit twee feine Opföhrungen, an de 29. un 31. Okt., gung dat "Lutherjahr" uk för Grundhoff to Enns. Knapp 400 Tokiekers weern bös beindruckt över Inhalt un Speel

Ant Enn danke de Baas vun de Bühn, J. Bachmann, för de Arbeit vun Autor un Regisseur Wolfgang Börnsen, Bönstrup, för de veele feine Arbeit bi alle "Aktivisten" op un um de Bühn.

He bedanke sick uk bi de Tokiekers, dat se so fein hemm fast 3 Stunn dat Stück konzentreert mit verfolgt un för de feine un lange Bifall!

Littmaat vun de Nedderdütsche Bühnenbund S-H, Max Reimer, weer bös mitnohmen un gradoleere de Bühn för dat gewaldige Stück! Jedeen, de dat nich sehn hätt, hätt bös wat verpasst!! weer sien Meenen.

Wat de Tokunft bringt, daar staan een paar ????!

Ein letztes Mal !    Lüüd, Luther un de Düvel“

An de 31. Oktober weer`t to Enn: dat Lutherjaar un dat Speel „Lüüd, Luther un de Düvel“.

Anfungen hätt dat „Theoder“ in`t Jaar 2014. Speelbaas Wolfgang Börnsen, Bönstrup schnacke in de Februar över sien Projekt, he har dat Stück över „Luther“ nu bald ferdig un de Bühn kunn dat opföhren bi de Kirchendag 2017 in Berlin/Wittenberg. Dat weer een Stück, wo man nich mit op Reisen gaan kunn, wi schulln uns doch um een faste Bühnensaal bemöhen. So keem de Schün vun de Hans-Petersen-Hof/Bönstrup in`t Gespräch. Een Reeg vun Termine mit Annkatrin Stille, de de Schün hört, mit de Architekt M. Rehder, mit de Baas vun`t Kreisbuamt, Herrn Schwarz, mit de Brandschutzmeister, Herr Uhrbrook un annere wichtige Lüüd. So tämlich allens weer beschnackt, Teknungen maakt, Verlöfnisse inholt. De „Kulturschün“ schull nich blots vör dat Theoder inricht warn, annere Veranstaltungen över Jaarn schulln ebenso daar passeeren. Nu wurr een Veranstalter söcht: De Nordangler selm? – nee!, de Gemenn? viellicht – eher nee!, de Amtskulturring – affseggt!, de TAFF (Tourismusargentur Flensburger Förde) – feine Idee over nee! So bleev dat een feine Idee, dat Stück  in de „Petersen-Kultur-Schün“ optoföhren un de Lüüd ut ganz Norddütschland schulln anreisen mit Audo oder Bus, jede Kirchengemeen in de Nordkirch schull sick dat Stück ankieken.

De Lüüd vun de Bühn weern uk nich so dull för de Ideen vun unse Speelbaas:  to Harvst un in de Wintertied daar speelen, ohn Heizung un sonstige technische Utstattung? Un dat de Tokiekers schulln to dusende anreisen? Daar weern se doch wat skeptisch.

Nu, unse Speelbaas har een Insehen un so schlog he vör, in de Schün to proben un in de Kirch in Grundhoff to spelen. Dat keem an, de Kirchenvörstand un de Preester, Arne Gerundt, weern inverstaan. Un so gung dat los:

To Harvst 2015 veranstalde de Bühn een Utstellung in`t Amtshus in Langballig „30 Jaar Nordangler Speeldeel“ un har in de Amtsbode un in de Zeidung inloden för een Projekt in dat Lutherjaar vun de 31. Oktober 2016 to de 31. Oktober 2017, een Theoderstück över un mit Martin Luther :

Lüüd, Luther un de Düvel“!

Een Regg vun Lüüd weern daar, annere harn sick meld, dat se wulln mitmoken, kunnen over nicht an de Dagg.

De Rullen wurrn verdeelt. An de 2. Feb. 2016 gung dat nu los mit de Proben in`t Bürgerhus Grundhoff, Füerwehrhus Langballig, Pater-Daniel-Haus Grundhoff, privat. As dat wärmer wurr, wurr een Bühne opbuut in de „Kulturschün“, denn nochmaal in de Halle vun A. Bothmann, Bönstrup. 95 Maal drepen wi uns, hett uns „Geschäftsföhrer“,  Wilhelm van de Loo, fastholn. Kostüme mussen ran: Bi dat Landestheoder, kreegen wi wat, bi de Nedderdütsche Bühn Flensburg, ut dat Dörpsmuseum Bönstrup, bi een Vereen „Middelöller“ un vör de Rest musse een Schniederin ran. In de Schün bi Bachmanns wurr allens sammelt un denn verdeelt. Dat Bühnenbild krieere

Uwe Appold, Ünnewatt. Möbel mussen ran: Bi`t Landestheoder kreegen wi wat, Slacos Gartenholz bue Disch un Hockers, Wolfgang Bühr ass Schippsingineur bue de Rampe. De technische Kraam, wenn wi dat denn nich selm harrn, kreegen wi vun de Scheersbarg, dat Podest sponsere een Firma, Plakaaten un Faltbläder sowie een Programmheft mussen maakt un druckt warn. Irgendwo musse uk noch Geld ran: Beten wat harrn wi selm, de Kirchengemenn geev wat to, de Nedderdütsche Bühnenbund S-H un de Nordkirch, de Dolleruper Brandgill spendeere de Druck vun de Faltbläder.

De Zeidungen mussen informeert warn un natürlich örnliche Artikel bringen un, un, un !

De Vörarbeit nehm keen Enn!

An de 22. Oktober 2016 weer`t denn doch so wiet:

Premiere!!!!

  

5 mal naa de Reeg un jedemaal gut besöcht un beste „Echo“ op dat, wat wi daar wiesten.

2017 in de Februar speelten wi 3 mal in St. Jürgen, Flensburg, 2 maal in de März in de Dom, Schleswig. In de 25. Mai gung dat los naa Berlin „Kirchentag“! 2 maal in`t Atze-Musiktheoder in een köttere Aart. An de 6. Oktober fohren wi naa Rostock un an de nächsde Dag Opföhrung – kodde Aart, Kartüffelsupp un denn naa Hus.

Wi harn affmaakt, dat letzde Maal speelen wi wedder in Grundhoff to de Reformationsdag.

So wurr an de 29. un 31. Oktober noch eenmaal alle Kraft investeert un twee feine Opföhrungen op de Breder bröcht; masse Tokiekers un veel Applaus weern de Lohn.

Luther is nich mehr in Grundhoff – tominst nich as Theoderfigur -, hoffentlich is uk de Düvel weg, man de Lüüd, de sind bleven.

Un de drepen sick nochmaal alltosomen in Lutzhöft in´t Krog bi Grönkohl un Röbenmus. Daar seern wi toeenanner, wat hett dat bi alle Arbeit Spaaß maakt. Keeneen vunde Mitmaakers hemm een „Gage“ kreegen, doch as letzt geef dat een lütt Geschenktut : een Bild vun de ganze Bühn, twee DVDs mit Biller un Video vun`t Speel, dat Programmheft un de lüdde Luther vun Playmobil!

De een un annere vun de „Nueen“ bedankten sick för dat, wat se mit de Bühn beleevt harrn, dat weer een grod Belevnis wesen mit unse Bühn un insbesodere mit Wolfgang Börnsen to arbeiten!

  

Heel tofreeden bedanke sick Jürn Bachmann, Bühnenbaas, bi alle Lüüd för de feine Mitarbeit un dat feine Middenanner, besondere Dank höre Wolfgang Börnsen to vör de masse Arbeit, wat he hätt in dat Stück investeert un enne mit :  Tschüß , weer doch een feine Saak!

 

 Ja, denn man tschüß an alle "Lüüd, Luther un de Düvel"  -  Fans !!!

  

             

                               2016

De-Plietschen-Platten-Nordangler 

 

 De ersde Stück heet:
                     "Muusland is överall"

Een Stück över :       "Mäusevölkerverständigung"


Mitmaaken doon daar: 

Jost Thomsen

Miriam Gritzki

Carlotta Sprenger

Max Fenselau

Leni Bachmann

Jacob Sprenger

Nele Schönbeck

Jula Bachmann

Jacob Otzen

Ltg. un Regie: Hans Ulrich Kallsen un

                     Heide Bachmann 

__ 1. Opföhrung : Sünnaabend, de 4. Juni Klock 5.oo in Bachmanns Schün

                       24977 Westerholt To de Lücken 1

Vullet Hus; Een gewaldige Bifall, Traan` in de Ogen vun Oma un Opa. Wat weer dat een feine Stück un groode Künstlers!!

De Lüüd in uns Kant wünschen sick noch een Opföhrung. Maal sehn, op dat klappt - op jeden Fall in Molfsee umbi Klock 10.oo in de Winkelschün!


2. Opföhrung : Friedag, d. 10.Juni In de Winkelschün Molfsee Klock 9.oo-13.oo

                      Molfsee - Winkelscheune - 250 Zuschauer - eine tolle Aufführung !              

 3. Opföhrung : Sünndag, d. 19. Juni Westerholz - Bachmanns Schüün 

                                                                            Klock :     17.oo


Nu is`t vörbi! Weer een feine Stück un alle Lüüd weern bös andaan vun de lütten Schauspeelers! Wi wünscht uns : Maakt wieder !!!_____             __- un seggen "Danke" an Huke un Heide!

      

                         Un nu to Wiehnachten 2016:

 

De Kinnerchor 

vun de MGV Grundhof 

singt vör dat Krippenspeel wiehnachtliche Leeder 

Ltg.: Susanne Fenselau   

De-Plietschen-Platten 

präsenteeren:

Oh haue ha, de Herdmanns komen!


Naa: „Hilfe , die Herdmanns kommen“ 
vun : Babara Robinson
Dötteihn Kinner in`t Öller vun söben bit to twölf  Jaarn speelen dat Stück mit veel Spaaß.
     Regie : Heide Bachmann un Huke KallsenTo sehen in Langballig in`t Sprüttenhus an de10. Dez. 2016 Klock halvig söss!Op denn Scheersbarg an de 4. März 2017 Klock halvig ölm!

Beste Kraam !!!______________________


_Op wat Nües!!! -             2017 !!

" De Wettloop  :

 Haas un Swienegel hüüt" 

is de Titel vun dat nüe Stück, wat totied mit 14 Mitspeelers proovt ward.

Genau!!! dorbi handelt sik dat üm de bekannte Saak vun eenst, as de Swienegels de Haas düchtig blameert hemnü vertellt vun

Helga un Winfried Steinl, Plattdütsch Hans-Ulrich Kallsen

Weer ja wull uk nich ganz sauber domaals. Dat hett de Welt bit hüüt nich vergeten.

Over wo seggt man so schön: "Man dröppt sik in´t Leben immer tweemaal!"

Daar schall een maal verlangen, wo dat dittmaal utgaan deit.

An de 27. Feb. 2018 is Premiere !


Regie: Heide Bachmann un Hans-Ulrich Kallsen


Utstellung

-- 30 Jaar Nordangler Speeldeel --

Wer de feine Utstellung bi sick maal sehen will, kann sich bi uns mellen.

 

Kontakt:

Tostännig för

- Alles: 

Jürgen Bachmann

Zu den Lücken 1

24977 Westerholz

04636 245 

bachmanns@t-online.de 

 

- de Geschäften: 

Wilhelm van de Loo

Breitenstein 17

24989 Dollerup

04636 97 99 66 

wvdl@gmx.net 

 

Pinunsen u. Intrittskorten:

Brigitte Andresen

Sonnholm 2

24977 Westerholz

04636 248

gitte.andresen@gmx.de  

 

Stücken un Speel:

Wolfgang Börnsen

Dorfstraße 15

24977 Grundhof/Bönstrup

04636 286

wolfgang.boernsen@t-online.de


Technik:

Wolfgang Bühr

Dorfstraße 13

24977 Grundhof/Bönstrup

04636 8458

buehr@t-online.de